بجد يا جماعه والله اللي بيحصل دلوقتي موضوع في غاية الرعب
الفتن الطائفية اللي عماله تحصل بجد الموضوع زاد عن حده
كل يوم والتاني يطلع حد ويقول فيه واحده كانت مسيحية واسلمت ومحتجزه في الكنيسه
يا جماعه والله الكلام ده انا عن نفسي مش داخل دماغي
الدين ده بتاع ربنا اللي عايز ياسلم ياسلم
مش كل شويه عشان انا مضايق من واحد جاري مسيحي اقوم اقول ده بنته اسلمت واحتجزوها في الكنيسه
وخير دليل ادي كامليا شحاته لما طلعو الجماعه اللي بيقولو انهم سلفيين وادعوا انها اسلمت طلعت وكدبتهم كلهم وطلعتهم مايفهموش حاجه ابدا هو بس التعصب اللي عندهم خلاهم مايفكروش في اييييييي حاجه غير بس انهم عايزين يازوا اخوانا المسيحيين
يا جماعه الدين بتاعنا مش دين تعصب والله ولا قطع ودان ولا تعزيب الدين بتاعنا كله سماحه وحب واخاء ودايما بيوصي علي الاقباط
وكمان السلفيين ناس كويسه بس مندسه فيهم قله فاسده هي اللي جايبه عليهم السيره الوحشه دي
وسيبكم والنبي من الشعارات اللي بتطلع بعد كل فتنه دي ويطلعلك شيخ وقسيس وماسكين هلال وصليب ويقولوا اننا ايد واحده
والله العظيم الاتنين ونافقين وولاد تييييييت خلينا نكون صرحه
لازم الحب يكون طالع من جوانا اتجاه بعض مش عشان خاطر نعمل شو اعلامي للناس بس من جوانا الكره مالي قلوبنا
الناس اللي بتطلع تتظاهر وتقول اننا ايد واحده دول بيعملو شو اعلامي وجواهم بيكرهو بعض
لااااااااااااااااازم نكون بنحب بعض من جوه قلوبنا وبلاش الفرقه اللي بينا
والله احنا اعز صحاب لينا مسيحيين وعمرنا مابصينا لنفسنا اننا مسلمين وهما مسيحيين او العكس
بس ماينفعش كل يوم والتاني واحد يطلع باسم الاسلام ويقول اننا لازم مش عارف نعمل ايه ونطهر ايه ونفرج عن مين والكلام ده كله اللي مالهوش اصل في الاسلام
بجد لازم يبقي لينا وقفه مع نفسنا اتجاه كل اللي بيحصل ده
والغلطان لازم ياخد فوق دماغه ودماغ اللي جابوه
واستنوا كمان قريب جدا امريكا لازم تتدخل وتحمي الاقليات المسيحية وده اللي متخطط له من زماااااااااااااااااااااان واعتقد انهم حاليا شايفين ان الفرصه جات عشان يحققوه
المفروض احنا كلنا مسلمين ومسيحيين مانديهمش الفرصه دي ولازم نرجع لصوابنا ونحس بنفسنا قبل السكينة ماتسرقنا ونندم ع كل اللي حصل
وبندعي من ربنا انو يعدي الايام اللي جايه علي خير
اللهم امين
ليست هناك تعليقات:
إرسال تعليق