امبارح كنا في زيارة جميلة جدا لمحافظة حلوان وبالتحديد لمحطة الكريماتاما دا كان حتة يوم بجد من اجمل الايام اللي قضيناها.
بدانا اليوم الساعة8 الصبح واتحرك بينا الاتوبيس الساعة 8 ونصف
ومن اول لحظة ساد روح المرح واللعبداخل افراد الرحلة كنا حوالي 51 مهندس ومهندسة و 2 معيدين وكمان مشرفة.بدينا باللعب والهزار والغناء داخل الاتوبيسوابتدينا ناخد بعض السور التذكارية اثناء الرحلة.
وكمان كان فيه فقرة لعرض المواهب وغني فيها محمد صبرة واحمد جمعة ومحمد اسماعيل وباسم خلف واخيرا ضياء الاسواني.
اما انا فكنت المقدم للمواهب دي. وكعادة الشعب المصري وصلنا المحطة متاخرين حوالي ساعة ونصف .
المهم
انقسمنا الي مجموعتين
اه احب اقول لكم انوا فيه اتنين من الباشمهندسات تعبوا معانا اثناء الرحلة بس الحمد لله بقوا كويسين.بعد ما انقسمنا مجموعتين راحت علي المحطات البخارية وكنا 25 مهندس ومعانا م/ حمادة
دخلنا غرفة الكنترول عرفنا المحطة كلها شغالة ازاي.
وبعد كده طلعنا ع التوربينات وشوفناها هي وشغالة.
وكمان كان معانا مهندس من المحطة شرح لنا كل حاجة بالتفصيل .والحمدد لله فهمنا المحطة كلها وطلعنا لارتفاع 11دور عشان نشوف الهواء اللي بيستعمل ف الحريق.
وكمان شفنا من بعيد المحطة اللي شغالة بالطاقة الشمسية كان منظرها فظيع جدا.
بس المهندس اللي كان معانا وصفها بالمشروع الفاشل لان تكلفتها الاقتصادية عالية جدا ولا تنتج سوي 128 ميجاواتوبعد كده نزلنا للدور الارضي وشفنا محولات الكهرباء اللي طالعة من الجنيراتور وكانت رهيبة.
وبعدين كنا خلاااااااااااص تعبنا اخدنا رست وصلينا وجالنا الاتوبيس اللي كان فيه الجروب التاني ونزلهم عندنا وركبنا احنا الاتوبيس ورحنا المحطة الغازية او الكومبايند لانوا فيها محطتين غازية وبخرية.المهم وصلنا هناك وطلعنا غرفة الكونترول وكانت شبيهة بالاخري(البخارية).
وبعدين نزلنا ورحنا الوحدة اللي كانت شغالة وشوفناها وكان صوتها عااااااالي جدا صوت الضاغط الكومبرسور
وشرح لنا المهندس شوية عليها.
ومن حسن حظنا انه كان فية وحدة فيها صيانة فكانت متفككه فقدرنا نشوفها ع الطبيعة وكان شئ كويس
وكان فيه جماعة المان هما اللي بيعملوا الصيانة وناس منظمة جدا ودقة لابعد الحدود.
وبعدين رجعنا بقي التوبيس وكنا تعبانييييييييييين موووووووووووت
وكان المغرب ع اذان ف استنينا صلينا المغرب واتحركنا من هناك ووصلنا هنا الساعة 9 بالليل .بس بجد كانت رحلة ممتعة جدا ومفيدة في نفس الوقت
ههههههههههههههههههههههههههههههه
ردحذفههههههههههههههههههههههههههههههه
هل ممكن اعرف ازاي نعمر زيارة زي دي في رحلة التخرج انا بتصل بنمر كتيرة بالمحطة وهيئة الطاقة محدش بير وشكرا
ردحذفده بيكون بالتنسيق بين ادارة الكلية وادارة المحطة نفسها يعني تبعت فاكس تطلب بيه ازن بالزيارة وهما بيردو بالموافقه او الرفض مع ابداء الاسباب
حذفجامدة ياسمعة يابرنس
ردحذفحبيبي يا اكس يا كبييير احلي ايام والله
ردحذف